ဘယ်လိုပဲခေါ်ခေါ်မကြားနိုင်တော့ပါ။လိပ်ပြာတွေအဝေးကိုလွင့်စင်သွားပြီလား။ မဟုတ်သေးပါဘူး။ ဟိုတလောတုန်းကပဲအကောင်းကြီးရှိသေးတာ။ မဟုတ်သေးပါဘူး။ လက်သီးကိုကျစ်ကျစ်ပါအောင်ဆုပ်ထားမိတယ်။ ဒါပေမယ့်ဘာမှမတတ်နိုင်ပါ။ တကယ်ကို ဘာမှမတတ်နိုင်ပါ။ ဒုက္ခကဘ၀ကိုဒီဇိုင်းဆွဲပြီးကတည်းက ခေါင်တိုင်ဖြစ်ပြီး သား။ မထူးပါဘူး။ ခေါင်းကို မော့ထားရမလား။ ငုံ့ထားရမလား။ ဘယ်သူကမှလဲ သင်မပေးကြဘူး။ အဲဒါနဲ့ပဲ မှုန်တေတေ ရပ်နေလိုက်ရတယ်။
အခုထိရပ်နေတုန်းပါပဲ။ ဘယ်အရပ်ကိုထွက်ခွာရမလဲမသိဘူး။ ဆောင်းဦးရဲ့ လေပြည်ကလဲ နှင်းငွေ့တွေသယ်ဆောင်မလာနိုင်တာကြာပြီ။ ဘာဖြစ်နေတုန်းလို့ အော်ပြီးမေးလိုက်ချင်တယ်။ ရှေ့ကတံလျပ်တွေက ဖြေနိုင်မဖြေနိုင်မသေချာဘူး။ သေချာတာကတော့ မည်သည့် စာမေးပွဲလမ်းညွှန်မှာမှ ကျွန်တော်သိချင်သမျှ တစ်ခုမှပါလိမ့်မည်မဟုတ်ပါ။ ဒုက္ခသည် ဘယ်အရပ်မှစတင်ပေါက်ဖွားလာကြောင်း ကျွန်တော်မသိပါ။ အလည်ရောက်ဖြစ်မည်ဆိုပါလျှင် အိမ်ရှေ့ခန်းတွင်ဖျာတစ်ချပ် ခင်းပေးပါမည်။ ဆိုဖာဆက်တီ မရှိသည့်အတွက်တော့စိတ် မကောင်းပါ။
အတော်တော့ရင်းနှီးမှုရနေပါပြီ။ လွယ်နေကျလွယ်အိတ်လို …။ ပြန်နေကျ လမ်းကလေးလို … မေးထူးခေါ်ပြောမကတော့ဘူး။ မှတ်မှတ်ရရရှိနေတုန်းပဲ။ သူနဲ့ရင်းနှီးပြီးမှ ဆေးပေါ့လိပ်ကိုအရသာခံတတ်လာတာလေ။ တစ်ခုရိပ်မိတာက သူကျွန်တော့်ကို အကျွမ်းတ၀င် ရင်းနှီးတာပါပဲ။ အလိုက်ကန်းဆိုးမသိတဲ့ကောင်ပေါ့။ ကျွန်တော်ကတော့ မထေမဲ့မြင်သာပြုံးနေလိုက်ရ …။ ဘယ်သူ့နာမည်ကိုမှလည်း တ ချိန်မရလိုက်ဘူး။
0 comments:
Post a Comment